प्रथम एनसिसि कप बिजय टीम म्याग्दी समाज समितिले जलपान कार्यक्रमको आयोजना गर्ने ।

अगष्ट २९ सउल कोरिया ।

नेपाल सम्पर्क समिति दक्षिण कोरियाको आयोजनामा सम्पन्न प्रतिस्प्रर्धात्मक भलिबल खेलको एन सि सि भलिबल कप म्याग्दी समाज समिति दक्षिण कोरियाले आफ्नो पोल्टामा पार्न सफल भएपछिबिजयोत्स्व संगै आगामी सेप्टेम्बर १२ तारिख सांझ म्याग्देली बृहत भेलाको साथै जलपान कार्यक्रमको आयोजना गर्ने भएको छ ।सउल तोङदेमुन स्थित नमस्ते रेष्टुरेण्टमा आयोजना गरिने उक्त भेला तथा जलपान कार्यक्रममा कोरियामा कार्यरत सम्पूर्ण म्याग्देलीहरुलाई सेप्टेम्बर १२ तारिख सांझ ८ बजे उपस्थितिको लागि हार्दिक अनुरोध गरिएको छ । स्मरणिय रहोस् गत अगष्ट २४ तारिख आईतबारको दिन सम्पन्न उक्त प्रतियागितामा म्याग्दी समाज समिति,एस के नेपाल डट ओआरजी ,बाग्लुङ सम्पर्क समिति,गुल्मी सम्पर्क समिति,स्याङजा परिवार तथा मुन्जङ प्रवासी क्ल्ब गरि जम्मा ६ टीमले भाग लिएका थिए । फाईनल खेलमा पुगेको एस के नेपाल डट ओआरजीलाई कडा प्रतिस्प्रर्धाका साथ २-१ ले पराजित गर्दै नेपाल सम्पर्क समितिले सम्भवत पहिलो पटक आयोजना गरेको एन सिसि भलिबल कप म्याग्दी समाज समितिले हात पार्न सफल भएको थयो ।