थसेस जापानको आयोजनामा बनभोज कार्यक्रम सम्पन्न

गत अगष्ट महिनाको ५ तारिखको दिन थकाली सेवा समिति जापानले राजधानी टोक्यो स्थित फुतागोतामागावामा वार्वेक्यु पार्टी अर्थात बनभोज कार्यक्रमको आयोजना भब्यताको साथ सम्पन्न गरेको समाचार छ । बनभोज कार्यक्रम आयोजक थसेस जापानलाई उद्दत गर्दै नेपाल जापान डटकमले प्रेषित गरेको समाचार अनुसार कार्यक्रममा नेपाली ,जापानी लगायत अन्य देशका ब्यक्तिहरुको बाक्लो सहभागिता रहनुको साथै जापान स्थित बिभिन्न संघ संस्थाका पदाधिकारीहरुको समेत उपस्थिति रहेको थियो । राष्टि्य गानबाट सुरु गरिएको उक्त कार्यक्रमको संचालन थसेस सल्लाहकार शरद कुमार गौचनले गर्नु भएको थियो भने डिजे टंक सेरचनले सहभागिहरुलाई नाचुन्जेल नचाउनु भएको थियो। कार्यक्रममा एनआरएन जापानका अध्यक्ष राजन प्रधानागंले शुभकामना दिनुभएको थियो भने थसेस जापानका अध्यक्ष ध्रुब भट्टचन ले धन्यबाद ज्ञापन गर्दै कार्यक्रमलाई समापन गर्नु भएको थियो । स्मरणिय रहोस् थसेस जापानले प्रत्यक बर्षको गर्मी याममा बनभोज कार्यक्रमको आयोजना गर्दे आईरहेको छ ।